Operation fliegender Teppich

D Operazioon «Fliegende Deppig» (hebräisch מבצע מרבד הקסמים - Marvad haksamim) isch e bekannte Decknaame für e Dransbort vo Juude us em Jemen, wo offiziell uf Hebräisch מבצע על כנפי נשרים („Operation Uf de Flüügel vo Adler“) ghäisse het. Si isch zerst ghäim ghalte worde, aber zwüschen em Juni 1949 und em Septämber 1950 si öbbe 49'000 jemenitischi Juude uf Israel gflooge worde.^[1] Öbbe 180 Flüüg vo britische und amerikanische Dransbortflugzüüg zwüschen Aden und Israel si gmacht worde, und erst e baar Mööned noch em Ändi vo dr Operazioon isch si an d Öffentlikäit choo. Dä Dransbort wird mänggisch au as מבצע ביאת המשיח (Mivza Biat haMaschiach, dütsch „Operazioon «S Choo vom Messias») bezäichnet.^[2]

1. ↑ Ministry of Immigrant Absorption, “On Eagles’ Wings” – Aliyah from Yemen (1949) abgrüeft am 3. Juni 2015
2. ↑ The frayed truth of Operation Magic Carpet auf Haaretz.com abgrüeft am 13. Juli 2012